MAY radio station na rin pala ang UNTV at gaya ng DZMM ng ABS-CBN itini-telecast din ito. Napanood namin ito noong madaling araw ng Martes bilang bahagi ng Hataw Balita telecast ng UNTV (pero walang kinalaman ang pahayagang ito sa nasabing newscast). La Verdad ang tawag sa AM radio station ng UNTV at ito’y nasa 1350 khs ng radio dial.
Noon nga palang nagri-review kami para sa Outstanding News Program at Outstanding Male News Presenter para sa Golden Screen TV Awards, marami sa amin ang nakapunang halos kaagapay na rin ng news coverage ng ABS-CBN, GMA 7, at TV5 ang kakayanan ng UNTV news coverage. Of course, si Daniel Razon ng UNTV ang nagwaging Outstanding Male News Presenter dahil sa laging mahinahong pagbabalita na ‘di nakukulayan ng anumang pekulyaridad ng kanyang personalidad.
No comments:
Post a Comment
Anong masasabi mo sa issue na 'to? mag-Comment na!!