NASA bansa ngayon ang sikat na international pop singer na si David Archuleta para sa gagawing TV mini-serye sa TV5.
Sa nasabing mini-serye, ay makakatambal niya ang utol ni Anne Curtis na si Jasmine Curtis. Makakasama rin nila ang papasikat na si Eula Caballero na nagmula sa “Star Factor” ng nabanggit ding istasyon.
Tulad ng dati, mainit pa ring tinanggap ng mga Pinoy fans ang American Idol Season 7 runner-up.
Sa katunayan, bonggang sinalubong si Archuleta ng kanyang mga fans sa Ninoy Aquino International Airport (NAIA), na labis na ikinagalak ng singer.
Maging sina Jasmine at Eula ay sumalubong din kay Archuleta sa paliparan.
