MOMENTS AFTER BULONG. May mga nagulat sa biglaang pagbibitiw ni Ruffa sa programa dahil ayon sa ilang nakapanood ay mukha naman daw game si Ruffa at okay lang sa kanya ‘yong mga tanong na ibinulong sa actress-TV host.
Nang matapos daw umere ang programa masaya pa si Ruffa na nakipag-pictorial sa fans. Nakangiti pa siyang pumayag nang lapitan ng PEP.ph (Philippine Entertainment Portal) para kapanayamin.
“Wait lang, ha!” aniya sa PEP. “We’ll talk after a few minutes,” at pumasok muna siya sa dressing room sa Broadway Centrum kung saan ineere ang Paparazzi..
Ilang sandali lang nakaraan, nagulat ang PEP sa paglabas ni Ruffa dahil naka-shades na ito at mukhang galit na tila naiiyak.
“Saka na lang tayo mag-usap!” sabi niya at dire-diretsong umalis.
CRISTY'S REACTION. Ang isa sa co-hosts ni Ruffa sa Paparazzi na si Cristy Fermin ay naglabas ng kanyang niloloob hinggil sa nangyari kagabi, June 25, sa programang Juicy.
Mainit pa rin kasing pinag-uusapan ang isyu kaya hindi puwedeng dedma at tahimik lang ang beteranang TV host at kolumnista.
Kuwento niya, “Nagulat kami at nawindang.
"Kasi hanggang sa matapos ang programa, pababa na kami nina Mr. Fu at Zoren [Legaspi], si Ruffa ay masaya pa rin at kami ay iniimbita sa kanyang selebrasyon na, ayon sa kanya, ay magaganap ngayong darating na June 30.
“Wala talaga kaming napansin na anuman. Kaya nang may mga tumawag sa akin na nagsabi na nagagalit si Ruffa at kung anu-anong salita ang ipinapatungkol saPaparazzi, maging ng kanyang ina, ako ay nagulat talaga at nalungkot.
“Dahil hindi kagandahan ang mga salitang inukol niya sa isang programa kung saan kaanib siya, di ba?
“'Yong mga 'trashy reporting...' Yoong mga gano’n.
"So nakakalungkot lang na sarili mong programa… mga kasama mo sa programa, ay masyadong namaliit ‘yong kapasidad.”
PROFESSIONAL WAY. May opinion din ang iba pang hosts ng Juicy kaugnay nito.
Ayon kay IC Mendoza, “Masakit po na na-feel ‘yon ni Ate Ruffa na nabastos nga raw po siya.
“Pero siyempre, meron namang mga professional way para i-address ang iyong mga issue.
“And nandiyan naman ‘yong mga big bosses na puwede mo silang i-consult about it.”
"'Bakit kailangang ganunin n’yo ako? Nabastos ako and everything.'”Pahayag naman ni Shalala, “At saka sana after the show, doon pa lang nag-usap-usap na, ‘Uy, hindi ko nagustuhan ‘yon.
RUFFA WAS BRIEFED. May sagot naman ulit si Cristy.
Aniya, “Tayo’y laging marespeto sa emosyon ng ating kapwa. May iba-iba tayong interpretasyon tungkol sa iba’t ibang bagay.
“Ipinagpaalam sa kanya iyon [Bulong ng Palad]. Na-brief siya roon ng staff.
"At anuman pong bagay na sinabi sa atin at binigyan natin ng basbas na ituloy, wala pong kabastusan doon.
“Tatlong beses nang ginawa sa show ang Bulong ng Palad. Kay BB Gandanghari, kay Iwa Moto, at saka kay Arnell Ignacio.
“At sa tatlong beses po na pumailanlang sa himpapawid ito ay wala pong nagreklamo na sila ay nabastos.”
DELAYED REACTION? Kung gano’n, masasabi bang delayed reaction ang ginawa ni Ruffa?
“'Yong pagdating sa akin ng balita, para sa akin, e, may katagalan,” ani Cristy.
“Kasi no’ng bumaba nga kami, maayos naman.
“At tama si Shalala na pupuwede namang pagkatapos ng show...” ibinulalas ang kanyang sama ng loob ang nais tukuyin ni Cristy.
“Ano ba naman ‘yong mga bossing?” pupuwede naman daw nasabi sana ni Ruffa.
“Nando’n din ang staff. Sana ay kinausap niya. O doon sa loob ng isang kuwarto siya ay nagreklamo.
“Ang argument, sana nasa apat na sulok na lang ng isang kuwarto at hindi ibinuyangyang sa Twitter.”
No comments:
Post a Comment
Anong masasabi mo sa issue na 'to? mag-Comment na!!